تعال يا سلواي فيني سوي معروف
البعد يشعل في فؤادي حريقه

تعال لا تحرم عيوني من الشوف
في طلّتك يا من أحبّك حقيقه
تعال أسعد قلب بك صار مشغوف
البعد يا فتّان ما هوه طريقه
ملهوف با شوفك أنا شوف ملهوف
قلبي يحبّك.. ليش منّك تعيقه
مشتاق لك والشوق بالقسوة معروف
الشوق للأحباب ما حد يطيقه
الشوق يضنيني ولو جيت بتشوف
قلبي المعذّب والجروح البليغه
***

مثل المطر دمعي على الخد مذروف
في كل ساعة ما توقّف دقيقه
أنوح بعدك نوح مثني ومردوف
ياما بحالي.. يا عذابه وضيقه
***

يا بدر ضاوي بالحلى انته موصوف
وبالتواضع والطباع الرقيقه
انته باحساسي وبالقلب محفوف
والروح في دنياك حرّه طليقه
***

مهووس بي وقلبي معك صار مخطوف
وبيننا ميثاق يلمع بريقه
مافيش داعي يا منى العين للخوف
ايش با يقولوا الناس.. شلّه عشيقه